Monthly Archives: January 2019

DKT. JOHN POMBE MAGUFULI AKUTANA NA RAIS MSTAAFU WA NIGERIA DKT. OLUSEGUN OBASANJO

Rais wa jamhuri ya muungano wa tanzania, Dkt. John Pombe Magufuli amekutana na kufanya mazungumzo na rais mstaafu wa nigeria Dkt. Olusegun Obasanjo ikulu jijini dar es salaam.

Katika  mazungumzo hayo Dkt. Obasanjo amempongeza Mhe. Rais magufuli kwa kazi nzuri anayoifanya katika uongozi wake ikiwemo kupambana na rushwa, kuimarisha utoaji wa elimu, kuimarisha miundombinu, kuongeza nishati ya umeme, kuimarisha usafiri wa ardhini na angani na jinsi wadau mbalimbali wa ndani na nje wanavyopaswa kuelewa juhudi zinazofanyika.

Dkt. Obasanjo amesema Mhe. Rais magufuli amedhihirisha kuwa kiongozi imara wa kusimamia mambo muhimu yenye maslahi kwa nchi yake na amebainisha kuwa licha ya kwamba maendeleo ya nchi hayapatikani mara moja lakini kwa muda mfupi Mhe. Rais magufuli amefanya juhudi kubwa za kuimarisha maeneo ya huduma za kijamii, kukiimarisha chama chake cha siasa.

Mapema  Mh. Rais magufuli amepokea hati za utambulisho za mabalozi watatu walioteuliwa kuziwakilisha nchi zao  baada ya waliokuwa mabalozi wa nchi hizo kumaliza muda wao.

Waliwasilisha hati ni balozi wa jamhuri ya korea hapa nchini Mhe. Cho tae-ics, balozi wa malawi hapa nchini mhe. Glad chembe munthali, na balozi wa brazil hapa nchini mhe. Antonio augusto martins cesar

 

 

 

Powered by Live Score & Live Score App