Daily Archives: February 12, 2019

RAIS WA ALGERIA ABDELAZIZ BOUTEFLIKA ATAWANIA URAIS KWA MUHULA WA TANO

Rais wa algeria Abdelaziz Bouteflika atawania urais kwa muhula wa tano wakati uchaguzi mkuu utakapofanyika nchini humo mwezi aprili. Kiongozi huyo mwenye umri wa miaka 81 na ambaye amekuwa rais tangu mwaka 1999, atawania wadhifa wake kwa mara nyingine. Watu wake wa karibu wanasema hali yake ya kiafya sio kigezo cha raia huyo kutowania urais, kwa sababu chama chake kimeonesha imani ya kutaka aendelee kuongoza. Tangu mwaka 2013, Rais bouteflika, amekuwa akitumia gari la magudumu baada ya kupata kiharusi, hata hivyo kiongozi huyo anakumbukwa kwa kusadia nchi yake kumaliza vita vya wenyewe kwa wenywe vilivyosababisha vifo vya zaidi ya watu 200,000 kabla ya kuingia madarakani.

 

 

MHE SALAMA ABOUD TALIB AMEITAKA KAMATI ENDESHI YA MAMLAKA YA MJI MKONGWE KUFANYAKAZI KWA PAMOJA

Waziri wa ardhi nyumba maji na nishati Mhe Salama Aboud Talib ameitaka  kamati endeshi ya mamlaka ya mji mkongwe kufanyakazi kwa pamoja ili kuhakikisha inazipatia ufumbuzi kasoro zitakazoisababisha zanzbar kungia katika orodha za nchi zinazotaka kuondolewa katika urithi wa kimataifa.

Waziri Salama Aboud ameeleza hayo katika mkutano wa uzinduzi wa kamati endeshi ya mamlaka ya mji mkongwe yenye wajumbe 14 kutoka Zanzibar na Tanzania bara kutoka katika tasisi mbali mbali ikiwemo uwekezaji,bandari ,makumbusho na mambo ya kale,mazingira,utalii, manispaa wakfu na urithi wa dunia.

Amesema anaamini kuwa kamati hiyo yenye wataalamu ambao wanauzoefu itasaidia kuondoa vikwazo hivyo  kwa muda mfupi na kuuwezesha mji mkongwe kubaki katika historia yake ya asili na kuundelea kuwa urithi wa kimataifa.

Akizungumza katika mkutano huo donatius kamamba kutoka kituo cha urthi wa dunia tanzania amesema kamati ya urithi wa dunia imeona umuhimu wa kuishauri serikali ya Mapinduzi ya Zanzibar kuunda kamati itakayosaidia kuondoa kasoro  hizo.

Mkuu wa mamlaka ya mji mkongwe Zanzibar Issa Sariboko makarani amesema kamati hiyo itahakikisha mpango mkuu mpya wa uhifadhi utajumuisha mipango mengine ya kitaifa na kanda ya afrika katika kuhifadhi thamani ya kipekee ya mji mkongwe.

HATUA ZA KISHERIA KUCHUKULIWA KWA MTU YEYOTE ATAKAYE KUTWA AMEMUAJIRI MTOTO

Mkuu wa wilaya ya micheweni Pemba Salama Mbaruk Khatib amepiga marufuku vitendo vya kuwapa ajira watoto vinavyofanywa na baadhi ya wavuvi katika bandari za wilaya hiyo hali inayosababisha watoto hao kukosa haki zao za msingi ikiwemo elimu.

Mkuu huyo wa wilaya, ameitoa kauli hiyo katika ziara ya kutembelea bandari ya shumba mjini na kuzungumza na wazee na wanunuzi wa samaki katika bandari hiyo baada ya kubainika kuwepo kwa watoto wanaofanyishwa kazi kinyume na sheria.

Mkuu huyo wa wilaya ameagiza kuchukuliwa hatua za kisheria kwa mtu yeyote atakaye kutwa amemuajiri mtoto.

Hadia Juma Kombo mkaazi wa shehia ya shumba ya mjini amesema analazimika kuwachukua watoto ili wamsaidie baadhi ya kazi ikiwemo uvunaji wa mwani kutokana na mume wake kushindwa kumsaidia kuwatunza watoto hao.

 

Powered by Live Score & Live Score App