Daily Archives: March 11, 2019

WANANCHI KUACHA KUJENGA NYUMBA AU KUPANDA MITI YA KUDUMU KATIKA MAENEO YA UWEKEZAJI

Serikali imewataka wananchi kuacha kujenga nyumba au kupanda miti ya kudumu katika maeneo ambayo yametengwa kwa uwekezaji.

Kauli hiyo imetolewa kwa nyakati tofauti huko chamanangwe na micheweni na waziri wa ardhi, nyumba, maji, na nishati, mh salama aboud talib chini ya jopo la mawaziri wane waliotumwa na serikali kushughulikia mizozo ya wananchi waliojenga na kupanda miti ya kudumu katika maeneo ya uwekezaji.

Mheshimiwa salama amesema ifikie wakati wananchi kutambua kwamba maeneo ya uwekezaji hayaruhusiwi kufanyiwa kitu chochote mbadala ya kilichoelekezwa na serikali hivyo sibusara kwa mtu kujichukulia eneo bila ruhusa kutoka mamalaka husika.

Awali sheha wa shehia ya kiuyu minungwini yahya salim amir ambayeeneo lake la chamanangwe linalomilikiwa na wizara ya kilimo limejengwa nyumba tano na kutumika kwa kilimo amewashauri wananchi kukubali kufanyiwa tathmini ya malizao na kuhama ili kuiwachia serikali kufanya shughuli zake

Naye mkuu wa wilaya ya micheweni salama mbarouk khatib amesema watahakikisha kuona maeneo hayo yaliyotengwa haya tumiwi vibaya .

Miongoni mwa mawaziri walihudhuria katika kazi hiyo ni waziri wa biashara, viwanda na masoko balozi amina salim ali, waziri wa habari na mambo ya kale mheshimiwa mahmoud thabit kombo na waziri wa ujenzi, mawasiliano na usafirishaji mheshimiwa sira ubwa mwamboya

 

MKUU WA WILAYA YA KASKAZINI B AMESIMAMISHA UJENZI WA NYUMBA KATIKA ENEO LA MWEMBE HEMARI

 

mkuu wa wilaya ya kaskazini b nd rajab ali rajab amesimamisha ujenzi wa nyumba zinazojengwa katika eneo la mwembe hemari  shehia ya gube  hadi  ofisi yake itakapojiridhisha kuhusu taratibu za ujenzi na uuzaji wa viwanja katika eneo hilo.

agizo hilo amelitowa  alipofika katika eneo lililokatwa viwanja na kujengwa nyumba ambalo limekuwa likitiliwa mashaka kuwa ni eka.

amesema maeneo mbali mbali yamekuwa yakifanywa ukataji wa viwanja na ujenzi wa nyumba bila ya kufuata sheria hivyo eneo hilo limesitishwa kwa kuebndelea na ujenzi wowote.

aidha wamewataka wananchi kuacha tabia ya kuuziana viwanja bila ya kuishirikisha serikali kwani inaweza ikasababisha migogoro ndani ya jamii.

sheha wa shehia ya kwa gube khamis makame ali amesema wanajitahidi kuwafahamisha wananchi juu ya kufuata utaratibu wa mauzianao ya viwanja na wao hawajishughulishi katika masuala hayo.

hata hivyo wanafamilia ya bw haji hamdani wamesema eneo wanalolijenga ni shamba na  wamerithi kutoka kwa baba yao na wala hawajauza isipokuwa wamekatiana viwanja wenyewe kwa wenyewe.

 

WAZAZI NA WALEZI KUWASIMAMIA VIZURI WATOTO WAO KWA KUWEKA UZALENDO KWA NCHI YAO

Waziri wa elimu na mafunzo ya amali zanzibar mh riziki pembe juma amewataka wazazi na walezi kuwasimamia vizuri watoto wao kwa kuweka uzalendo kwa nchi yao ili kuweza kupata maendeleo mazuri nchini.

Akizungumza na wazazi na walezi kwa nyakati tofauti wa wilaya ya mkoani na micheweni amesema maendeleo ya nchi hayaletwi na mtu kutoka taifa nyengine bali yanaletwa na mtu kutoka taifa husika, hivyo ni vyema kuwahimiza watoto wao kurudi nyumbani wanapomaliza masomo nchi ya nje ili kulitumikia taifa lao.

Mhe riziki amesema kuna tabia ya baadhi ya vijana wanapata nafasi za masomo nje ya nchi na baadae hawarudi kulitumikia taifa.

Aidha amesema serikali ya mapinduzi zanzibar inajitahidi kujenga skuli za kisasa ili kuwafanya watoto kusoma katika mazingira mazuri hivyo ni lazima kuwahimiza watoto wao kusoma.

Katibu mkuu wizara ya elimu na mafunzo ya amali zanzibar dkt  idrisa muslim hija akizungumza katika mkutano huo amewataka wazazi kuwa na subra huku wizara hiyo ikiyatafutia ufumbuzi matatizo yanayowakabili.

Wakitoa maoni yao baadhi ya wazazi wamesema kuna tatizo la upungufu wa walimu hasa wa sayansi, hivyo wameishauri wizara ya elimu kulitafutia ufumbuzi tatizo la upungufu wa walimu pamoja na mrindikano wa wanafunzi madarasani.

Wakati huo huo waziri wa elimu na mafunzo ya amali mhe riziki pembe juma amefanya mkutano na walimu wakuu na kuwataka walimu hao kutimiza majukumu yao na kuwahimiza walimu wao kufuata maadili ya kazi ili kuleta maendeleo katika elimu.

 

JESHI LA NIGER LAUA MAGAIDI 38 WA BOKO HARAM KATIKA MAPIGANO MAKALI

Wizara ya ulinzi wa niger imetangaza kuwa, jeshi la nchi hiyo limewauwa magaidi 38 wa kundi la boko haram katika mapigano makali yaliyojiri kusini mashariki mwa nchi hiyo. Taarifa zinasema kuwa magaidi hao wa boko haram walikuwa na idadi kubwa ya silaha wakati waliposhambulia kituo cha jeshi karibu na gueskerou katika eneo la diffa. Boko haram ni kundi lenye misimamo ya kuvuka mipaka ambalo chimbuko lake ni kaskazini mwa nigeria. Kundi hilo la magaidi limeitumbukiza nchi hiyo katika dimbwi la machafuko na mauaji pamoja na kuzusha hitilafu za kidini na kikabila nchini humo. Magaidi wa boko haram wameeneza ugaidi wao katika nchi jirani za niger na cameroon.

 

Powered by Live Score & Live Score App