Category Archives: Biashara

habari za biashara

ZANZIBAR KUSHIRIKIANA KIBIASHARA NA NCHI TOFAUTI

Zanzibar   hivi sasa  inaendelea   katika  masuala  ya kiuchumi   hivyo  ipo  haja  ya   kushirikiana kibiashara  na  Nchi  tofauti  ikiwa  pamoja na  uimarishaji wa  miundombinu ya  kibiashara ili  kuweza  kufikia adhma  hiyo .

Akizungumza katika  uzinduzi  wa maonesho ya  baadhi  ya bidhaa  za  india ikiwa  ni  miongoni  mwa  kukuza  uhusiano  wa  kibiashara  naibu  Waziri  wa biashara  na  viwanda  Mh  Hassan  Hafidh  amesema hali  hiyo  itasaidia  kurudisha  hadhi  ya  kibiashara  iliopo  awali   na  kuweza  kujiimarisha  zaidi  katika  uchumi  wa  viwanda ili  kufikia  uchumi  wa  kati.

Balozi  wa  india  Nchini  Tanzania bwana  Sandeep Arya amesema    Nchi  yake  imeamua  kutoa  upendeleo  maalu m  wa  ushuru   kwa  bidhaa   kwa  baadhi  ya  Nchi  ikiwemo  tanzania  pamoja  na  kufuta  gharama  za  viza  za  biashara kwa  wafanyabiashara wa  tanzania.

Nao  wafanyabiashara  waliohudhuriwa  uzinduzi  huo wamesema   wameomba   kufanyika  kwa  ziara  za  kupata  utaalamu  ikiwa  pamoja  na  wafanyabiashara  wa  nchini  india  kuja  Zanzibar  kwa  ajili  ya  kupeana  mbinu na uzoefu  wa kibiashara.

Mapema  Mh  Hassan alikagua  maonesho  ya  baadhi  ya  biashara  zinazoingia  hapa  nchini  kutoka  nchi  india ili  kuwa  ni fursa  moja  wapo  ya  kushirikiana  kibiashara  ili  nao   waweze  kupeleka  Nchini   India.

WAWILI WAKAMATWA NA MAGENDO YA KARAFUU

Watu wawili wakaazi wa konde wilaya ya Micheweni wanashikiliwa na jeshi la polisi mkoa wa kaskazini pemba, baada ya kukamatwa   na magunia 18 ya karafuu yenye thamani ya zaidi ya shilingi milioni 18, yaliyokuwa katika harakati za kusafirshwa nje ya nchi kinyume na sheria.

Kamanda wa polisi mkoa wa kaskazini pemba kamishna msaidizi mwandamizi , Mohammed Skhekhan  Mohammed , amesema tayari jeshi hilo limefungua jalada, na watuhumiwa hao watafikishwa mahakamani kujibu tuhuma zinazowakabili.

Mkuu wa mkoa wa kaskazini pemba Mhe Omar Khamis Othman amesema kwamba  kutokana na wingi wa karafuu, zinaonyesha kwamba ni za msimu wa  mwaka jana, kwani kwa mwaka huu, bado uchumaji wa karafuu hajafikiwa kiwango hicho.

Naye mdhamini wa shirika la biashara la taifa zanzibar ofisi ya pemba Abdalla Ali Ussi , amesema kwa mujibu wa sheria ya maendeleo ya karafuu, hairuhusu mwananchi kuhifadhi karafuu nyumbani kwake na kuomba sheria zichukue mkondo wake.

MPANGO MAALUM WA KUWEKA MIUNDOMBINU BORA YA USALAMA KWENYE VITUO VYA MAFUTA

Wamiliki wa vituo vya mafuta kisiwani pemba wametakiwa kuwa na mpango maalum wa kuweka miundombinu  bora ya usalama kwenye vituo hivyo ikiwemo kuwapa mafunzo wafanyakazi wao na kuweka vifaa vya huduma ya kwanza ili waweze kujiokoa panapotokezea matatizo.

Hayo yamesemwa kwa nyakati tofauti na mkuu wa operation ya kukabiliana na maafa zanzibar Shaaban Hassan Ramadhan katika ziara ya ukaguzi wa bohari na vituo vya mafuta kisiwani humo

Amesema katika ukaguzi huo wamegundua mapungufu mengi ya kiusalama huku akitoa agizo la miezi mitatu kwa wamiliki kuyafanyia kazi mapungu hayo kabla ya kutokea maafa yasiyotarajiwa

Katika ziara hiyo mkuu wa operation ya uokozi kutoka kikosi cha zimamoto ali abdi hashim amesema baadhi ya vituo havina dawa mitungi ya kisasa ya kuzimia moto wala matangi ya maji hivyo kuwa vigumu kwao kuweza kujisaidia kunapotokea tatizo

Nao baadhi ya wasimamizi wa vituo hivyo vya mafuta wamesema watayafanyia kazi mapungufu madogo madogo yaliopo na yale makubwa watawasiliana na wamiliki wao kwa ajili ya kuyachukulia hatua

SMZ ITAENDELEA KUTEKELEZA AZMA YA KUWAWEZESHA VIJANA

WAZIRI wa Kazi , Uwezeshji, Wazee, Wanawake na Watoto, Modiline Kastiko  amesema serikali ya mapinduzi ya zanzibar (smz) itaendelea kutekeleza azma  ya kuwawezesha vijana  ili kuweza kujiajiri katika sekta mbalimbali ikiwemo kilimo na ufugaji.

kauli hiyo ameitoa wakati akimwakilisha Makamu wa Pili wa Rais katika Uzinduzi wa Ushirika wa Ufugaji kuku kwa vijana wa Mkoa wa Mjini Magharib,

Mhe, Waziri Alisema miongoni mwa azma hizo ni kuhakikisha inatatua changamoto za ukosefu wa ajira kwa vijana kupitia wizara hiyo.

Ameongeza kuwa serikali imeona umuhimu wa kuanzisha wizara hiyo ili kuona vijana wanasaidiwa katika kuwatafutia mbinu mbalimbali za kuweza kijiajiri kwa lengo la kuondokana na vitendo viovu ambavyo vitawaharibia malengo yao ya maisha.

Waziri Castico amewataka vijana kuzitumia fursa hiyo ya mradi wa ufugaji kuku kwa lengo la  kujikwamua kiuchumi na  kuwawezesha vijana wengine kupata kuku hao na kuufanya mradi huo kuwa endelevu.

Castico amewataka vijana hao ambao wamepata mafunzo ya ufugaji wa kuku aina ya Saso kushirikiana na vijana wenzao kwa kuwapa elimu hiyo ili na wao waweze kufaidika na mardi huo na kuondokana na umasikini.

Kwa upande wake Msimamizi wa mradi huo, Rashid Mohamed amesema kuanzishwa kwa ushirika huo wa vijana wa ufugaji kuku mkoa wa Mjini Magharibi una lengo la kuhakikisha vijana wanajiongezea kipato na endelevu.

Pia amiomba serikali ya SMZ kuongeza nafasi za ajira kwa vijana wenye uwezo wa kufanya kazi kwa kuendeleza taifa .

Naye Mkuu wa Mkoa wa Mjini Magharibi, Ayoub Mohammed Mahmud, alisema mradi huo utawasaidia vijana kujikwamua kiuchumi na kufikia uchumi wa kati.

"Mradii huu unatekelezwa kwa vitendo kwa kuwawezesha vijana kujiajiri wenyewe bila ya kutegemea ajira za serikali" alisema.

Powered by Live Score & Live Score App