Category Archives: Biashara

habari za biashara

WANANCHI PAMOJA NA WANAFUNZI WAPEWA ELIMU JUU YA KUHAMASISHA ULIPAJI WA KODI KWA HIARI

Bodi ya mapato zanzibar imesema itaendelea kuelimisha wananchi pamoja na wanafunzi juu ya kuhamasisha ulipaji wa kodi kwa hiari ili nchi iongeze mapato kwa maendeleo ya wananchi wake.

Afisa elimu kutoka bodi ya mapato Bi Raya Suleiman ameyasema hayo wakati akizungumza na walimu na wanafunzi wa skuli za sekondari za fujoni na mfenesini  amesema  zanzibar imebarikiwa kuwa na rasilimali nyingi za ukusanyaji wa mapoto hivyo ni vyema kujua umuhimu la kulipa kodi ili kuweza kutoa huduma bora za kijamii.

Nae afisa uhusiano kutoka zrb Bi  Badria Atai Masudi amesema wanafunzi wanawajibu wa kujua umuhimu wa kulipa kodi  na kupewa risiti wanaponunua bidhaa ili kuepuka matatizo yatakayoweza kujitokeza  baadae.

Nao walimu wamesema kuna mgongano wa ulipaji kodi kati ya tra na zbr hivyo wameomba waelimishwe juu ya ulipaji wa kodi huo.

 

MFUMKO WA BEI KWA MWEZI FEBUARI UMESHUKA KWA ASILIMIA MBILI

Ofisi ya mtakwimu mkuu wa serikali kupitia kitengo cha takwimu za bei kimeeleza kuwa mfumko wa bei kwa mwezi febuari umeshuka  kwa  asilimia  mbili nukta sita ukilinganisha na asilimia  tatu nukta sifuri ya mwezi wa januari 2019.

Akitoa taarifa  kwa  waandishi wa habari mkuu wa kitengo cha takwimu  za bei ndugu khamis abdul rahaman msham amesema  mfumko wa bei wa  bidhaa zisizokuwa za chakula umeshuka  kwa asilimia moja nukta saba  katika  mwezi wa febuari 2019  ukilinganisha na asilimia mbili nukta nne kwa mwezi uliopita.

Akitolea ufafanuzi zaidi mhadhiri mkuu idara ya uchumi wa chuo kikuu cha taifa suza dr suleiman simai msaraka amesema kasi ya kupanda kwa bei ndio iliyoshuka kwa mwezi huu wa febuari ukilinganisha na nchi za afrika mashariki.

wakati huo huo mamlaka ya udhibiti wa huduma za maji na nishati zanzibar zura imesema kupungua kwa nishati ya mafuta takriban siku mbili wiki hii kumetokana na zoezi la kuteremsha nishati ya mafuta katika meli  ya mafuta.

Ufafanuzi huo umetolewa na afisa mwandamizi wa zura ndugu omar Ali Yussuf.

 

TAKRIBAN TANI 1.6 ZA BIDHAA MBALI MBALI ZA VYAKULA ZIMETEKETEZWA

Takriban tani 1.6 za bidhaa mbali mbali za vyakula ambazo hazifai kwa matumizi ya wanaadamu zimeteketezwa na bodi ya chakula na dawa zanzibar

akitoa ufafanuzi wa zoezi hilo kaimu mkurugenzi mtendaji wakala wa chakula na dawa Zanzibar Dr Khamis Ali Omar amesema bidhaa zote hizo zilizoteketezwa zimetoka katika makampuni mbali mbali nchini baada ya wamiliki wa kampuni hizo kuona bidhaa zao hazifai kwa matumizi ya binaadamu kutokana na sababu mbali mbali ikiwemo kuishiwa na muda wa matumizi.

amesema bodi ya chakula na dawa inawataka wafanya biashara wanapoona bidhaa zao hazifai ni vyema wakatoa taarifa ili kuweza kufanyika taratibu za kuziteketeza bidhaa hizo kabla ya kuwafikia wananchi kwa ajili ya matumizi.

aidha ametoa wito kwa wananchi kutoa taarifa za wafanya biashara wasio waaminifu katika uingizaji na uuzaji wa bidhaa zisizokubalika ili ziweze kuchukuliwa hatua za haraka kwa lengo la kuhakikisha wananchi wanapata bidhaa zenye usalama.

ZANZIBAR KUSHIRIKIANA KIBIASHARA NA NCHI TOFAUTI

Zanzibar   hivi sasa  inaendelea   katika  masuala  ya kiuchumi   hivyo  ipo  haja  ya   kushirikiana kibiashara  na  Nchi  tofauti  ikiwa  pamoja na  uimarishaji wa  miundombinu ya  kibiashara ili  kuweza  kufikia adhma  hiyo .

Akizungumza katika  uzinduzi  wa maonesho ya  baadhi  ya bidhaa  za  india ikiwa  ni  miongoni  mwa  kukuza  uhusiano  wa  kibiashara  naibu  Waziri  wa biashara  na  viwanda  Mh  Hassan  Hafidh  amesema hali  hiyo  itasaidia  kurudisha  hadhi  ya  kibiashara  iliopo  awali   na  kuweza  kujiimarisha  zaidi  katika  uchumi  wa  viwanda ili  kufikia  uchumi  wa  kati.

Balozi  wa  india  Nchini  Tanzania bwana  Sandeep Arya amesema    Nchi  yake  imeamua  kutoa  upendeleo  maalu m  wa  ushuru   kwa  bidhaa   kwa  baadhi  ya  Nchi  ikiwemo  tanzania  pamoja  na  kufuta  gharama  za  viza  za  biashara kwa  wafanyabiashara wa  tanzania.

Nao  wafanyabiashara  waliohudhuriwa  uzinduzi  huo wamesema   wameomba   kufanyika  kwa  ziara  za  kupata  utaalamu  ikiwa  pamoja  na  wafanyabiashara  wa  nchini  india  kuja  Zanzibar  kwa  ajili  ya  kupeana  mbinu na uzoefu  wa kibiashara.

Mapema  Mh  Hassan alikagua  maonesho  ya  baadhi  ya  biashara  zinazoingia  hapa  nchini  kutoka  nchi  india ili  kuwa  ni fursa  moja  wapo  ya  kushirikiana  kibiashara  ili  nao   waweze  kupeleka  Nchini   India.

Powered by Live Score & Live Score App