Category Archives: Kitaifa

Habari za ndani ya nchi

TUTAENDELEZA UTAMADUNI WA KUBADILISHANA UZOEFU KWA PANDE MBILI ZA MUUNGANO

Mkuu wa mkoa mjini magharib Mhe Ayoub Mohammed Mahmoud amesema serikali ya mkoa wa mjini magharibi itaendeleza utamaduni wa kubadilishana uzoefu kwa pande mbili za muungano katika maeneo mbalimbali ya uwekezaji ili kuona lengo la serikali la kuleta maendeleo wananchi wake linafikiwa.

Akizungumza katika muendelezo wa ziara kwa mkoa wa rukwa Mhe Ayoub amesema pamoja na kutekeleza maagizo na maelekezo ya serikali, uongozi wa mkoa wa mjini mgharibi utendelea kushirikiana kwa karibu na mikoa mbalimbali katika kujifunza na kuongeza thamani ya bidhaa zinazopatikana ndani ya nchi.

Aidha Mh: Ayoub ameridhishwa na uwezo wa chinjio la saafi katika maeneo ya uchinjaji na uzalishaji bidhaa zipatikanazo kiwandani hapo na kuahidi kushauri vizuri serikali katika uimarishaji wa machinjio mbalimbali nchini.

Akitoa maelezo ya chinjio hilo afisa mfawidhi wa kituo cha uchunguzi wa maradhi ya wanyama na daktari mkuu wa kiwanda cha nyama cha  saafi Dr Kaini Martin Kamwela amesema kiwanda hicho kina uwezo wa kuchinja ng’ombe miatatu kwa siku pamoja na ziada ya wanyama wadogo wadogo kama mbuzi na kondoo.

Akizunguza mara baada ya kupokea ujumbe huo mkuu wa wilaya ya sumbawanga Dr Khalfany Haule ameuomba uongozi wa serikali ya mkoa wa mjini kutumia uwezo na nafasi walionayo kuwatafutia wawekezaji kiwanda cha saafi katika mifugo na maziwa kutokana wingi wa ng’ombe walipo wilayani hapo.

VIJANA WATAKIWA KUONDOSHA DHANA YA KUONA KUWA KAZI YA KILIMO NI YA WATU WA VIJIJINI

Waziri wa biashara na viwanda, balozi Amina Salum Ali, amewataka vijana kuondosha dhana ya kuona  kuwa kazi ya kilimo ni ya watu wa vijijini.

Balozi Amina amesema kilimo hasa kinachozingatia maelekezo  ya  kitaalamu kimekuwa ni mkombozi mkubwa wa  maisha ya watu walioamua kujikita katika sekta hiyo ikiwemo kilimo cha mboga mboga ambacho kimekuwa na tija, hivyo amewataka vijana  kuelekeza nguvu zao ili waweze kujiimarisha kiuchumi.

Akifunga mafunzo ya miezi mitatu ya kilimo hai kwa maendeleo endelevu, kwa vijana 18  balozi Amina amesema serikali imekuwa katika jitihada za kuhakikisha vijana wanajiimarisha katika ujasiriamali na kuwajengea mazingira bora ya kuwapatia fedha za mkopo waweze kuendesha vyema shughuli zao za kujitegemea.

Wafadhili wa mafunzo hayo taasisi ya kuongeza kasi ya maendeleo Zanzibar milele Zanzibar foundation, katika taarifa iliyomwa na afisa maendeleo, biashara na uchumi jamii, Nd. Ghalib Khamis Machano, amesema wanawakaribisha wafadhili kuwasaidia vijana waliopata mafunzo ili kuitumia vizuri taaluma waliyoipata ya kilimo hai.

Mratibu wa fursa kijani iliyoendesha mafunzo hayo, bi Agnes  Bweye, ameelezea umuhimu wa taaluma hiyo ya kilimo hai, ambapo risala ya wahitimu iliyosomwa na Kassim Maulid imependekeza maombi ya kuwezesha vijana hao kuweza kujiimarisha katika ujasiriamali.

 

 

MAMLAKA INATOA KIWANGO CHA KIMATAIFA KATIKA KUTOA HUDUMA ZILIZOBORA

Naibu waziri wa wizara ya ujenzi mawasiliano na Usafirishaji Mh Mohamed Ahmada amesema atahakikisha mamlaka inatoa kiwango cha kimataifa katika kutoa huduma zilizobora na kuwataka watendaji kufanya kazi kwa nidham na ushirikiano.

Akizungumza mara baada ya ya kutembelea katika kiwanja cha kimataifa cha Abeid Amani Karume amesema  serikali imepiga hatua kubwa ya kuwafikishia maendeleo wananchi wake.

Amesema nidham katika sehemu za kazi ndio inayo pelekea  kuipatia sifa  Zanzibar.

Hivyo amewaomba wafanyakazi wa kiwanja cha ndege kuzidisha ushirikiano katika kutekeleza majukumu yao kwa  vile kiwanja kinatumiwa na wageni na watu wa aina mbali mbali.

Mkurugenzi mipango na miradi mamlaka ya viwanja vya ndege Seif Abdalla Juma ameitaja miradi inayo ambayo inatekeleza shughuli mbali mbali kiwanjani hapo.

Mkuu wa kitengo cha ict Mohamed Abdul Ghani Msoma  amezitaja baadhi ya changamoto ni pamoja na kutoelewa matumizi sahihi ya mkanda wa kupokea na kutoa mabegi

UTENDAJI KAZI UNAOZINGATIA MAADILI YA UWAJIBIKAJI UTAIWEZESHA WIZARA KUFIKIA MALENGO STAHIKI

Naibu waziri wa wizara ya elimu na mafunzo ya amali Mh. Simai Mohamed Said, amesema utendaji kazi unaozingatia maadili ya uwajibikaji pamoja na ushirikiano utaiwezesha wizara hiyo kufikia malengo yake iliyojipangia.

Mara baada ya kukabidhiwa ofisi na Mh Mmanga Mjengo Mjawiri ambae sasa ni waziri wa kilimo, maliasili, mifugo na uvuvi, Mh Simai amewataka watendaji wakuu wa wizara ya elimu kutoa taarifa zenye usahihi ambazo zitafanikisha uwasilishaji bora wa utekelezaji katika vikao vya bajeti ya serikali.

Katika hafala hiyo waziri wa kilimo, maliasili, mifugo na uvuvi mh mmanga mjengo mjawiri, amewataka watendaji wa wizara ya elimu kumpa ushirikiano naibu waziri huyo, ili kuwepa kuimarisha sekta ya elimu hapa nchini

Powered by Live Score & Live Score App