Category Archives: Kitaifa

Habari za ndani ya nchi

CHAMA CHA WAFANYAKAZI WA RELI TANZANIA (TRAWU) KIMEKANUSHA TAARIFA ILIYORIPOTIWA

Chama cha wafanyakazi wa reli tanzania (TRAWU) kimekanusha taarifa iliyoripotiwa na moj ya gazatei la nchini kuwa chama hicho kimemdanganya Rais Dkt John Pombe magufuli kwa kumtangaza mtu asiyestahili kuwa mfanyakazi bora.

Akizungumza na waandishi wa habari jijini dar es salaam mwenyekiti wa chama cha wafanyakazi wa reli tanania (TRAWU) taifa lomitu ole saitabau amesema hakuna udanganyifu wowote uliofanyika katika kuwatangaza wafanyakazi bora wa mwaka 2019/2020 siku ya sherehe za mei mosi iliyofanyika katika uwanja wa sokoine mbeya.

Aidha lomitu amesema chama hicho hakihusiki kumchagua mfanyakazi bora bali wao wanaletewa majina kutoka kampuni ya reli tanzania (TCR) na mamlaka ya reli ya tanzania na zambia (TAZARA).

Kwa upande wake katibu mkuu wa chama hicho Nashoni Mariyeri amesema watakutana na chama cha wafanyakazi (tucta) kuangalia jinsi gani wanaweza kufanya ili kuondoa mkanganyiko huo mwakani.

Chama cha wafanyakazi wa reli wa reli tanzania (TRAWU) ni muunganiko wa wafanyakzi wa kampuni ya reli tanzania (TCR) na mamlaka ya reli ya tanzania na zambia (TAZARA).

WAANDISHI WA HABARI WAMETAKIWA KUZINGATIA MAADILI YA KAZI ZAO

Waziri wa elimu na mafunzo ya amali zanzibar Mhe Riziki Pembe Juma amewataka waandishi wa habari kuzingatia maadili ya kazi zao na kutumia kamusi la kiswahili katika uandishi wa habari, ili kuikuza lugha hiyo.

Akizungumza wakati akifunga kongamano la kimataifa la vyombo vya habari vya kiswahili lililoandaliwa na kigoda cha mwalimu nyerere katika chuo kikuu  cha dar es salaam, mhe riziki amesema ni vyema kutumia kamusi hiyo ili kupunguza makosa katiak uandishi ambayo yanajitokeza mara kwa mara.

Aidha amewataka wamiliki wa vyombo vya habari kutoa semina elekezi kwa waandishi wao ili kusaidia matumizi sahihi ya lugha hiyo katika vyombo vya habari.

Nae mgoda wa kigoda cha mwalimu nyerere na mhadhiri wa chuo kikuu cha Dar es salaam Profesa Aldin Mutembei amesema muundo wa baadhi ya lugha mbalimbali nchini za asili zikiwemo za kiengereza, kifaransa, kibantu wanazoingiza  wanapozungumza kiswahili ndizo zinazochangia kuharibu lugha fasaha ya kiswahili.

Nao baadhi ya washiriki wa kongamano hilo wakiwemo wanafunzi wamesema wamekuwa na mazingira magumu katika skuli zao kwa kutakiwa kuzungumza kiengereza ili kuweza kupata huduma katika ofisi za walimu.

KUFUATILIA KWA KINA DAWA ZINAZOWEZA KULETA ATHARI KWA WATUMIZI

Umefika  wakati  wa  kufuatilia  kwa  kina  dawa  zinazoweza  kuleta  athari  kwa  watumizi   ili  kulipatia   ufumbuzi  ikiwa  ni pamoja  na  kujuwa   sababu  za  madhara  yatokanayo  na  dawa  hizo.

Akizungumza  katika  kikao  cha  pamoja  juu  kuanda  muongozo  uaoendana  na  mazingira  ya  Zanzibar   kuhusiana  na  ufuatiliaji  wa  madhara  yatokanayo  na  dawa  chanjo  ,  vifaa tiba   na  dawa  za  asili  uongozi  wa  wakala  wa  chakula  na  dawa  Zanzibar   umesema   upo  katika  matayarisho  ya    kadi  ya  mgonjwa itakayomuorodheshea  dawa  zinazomuathiri  ili  kumrahishia  daktari  katika  kumpatia  tiba  sahihi.

Umesema hali  hiyo  itaenda sambamba  na  utolewaji  wa  elimu  katika  vituo  vya  afya  ili   kuweza  kupokea  taarifa  mbali  mbali  za  athari  zitokanazo  na  dawa  kutoka  kwa  wagonjwa  ili  ziweze  kufanyiwa  uchunguzi  na  zile  zenye  madhara  zaidi  ziweze  kuondolewa  sokoni.

Mratibu  msaidizi  kitengo  shirikishi  ukimwi  homa  ya  ini na  ukoma  ndugu Issa  Abeid  Mussa  amesema   mpango kazi  huo   utatowa  uwiano  sawa   uingizaji  dawa  kanda ya   afrika  mashariki   utaomuwezesha  kila  mhudumu  kufuatilia  muongozo  wa  dawa   kwa  mgonjwa  ili  zisiweze  kumpa  madhara pamoja  na  kuripotiwa  mapema  kwa  dawa  zisizomfaa.

WATU WENYE UWEZO WATAKIWA KUJENGA UTAMADUNI WA KUWASAIDIA WAZEE

Makamu wa pili wa Rais wa Zanzibar Balozi Seif Ali Iddi amewaomba watu wenye uwezo kujenga utamaduni wa kuwasaidia wazee hasa kwa kuwapatia mahitaji ya chakula katika kipindi hiki cha mfungo wa ranadhani.

Wananchi kuzingatia utaratibu maalum wa hali ya kiafya na mazingira safi uliowekwa na uongozi wa manispaa pamoja na halmashauri za wilaya.

Futari hiyo iliyoandaliwa na makamu wa pili wa Rais wa Zanzibar Balozi Seif Ali Iddi iliwahusisha wazee wanaohifadhiwa kwenye nyumba za serikai sebleni pamoja na wazee wa chama cha mapinduzi wa mkoa wa kaskazini unguja na kufanyika katika ukumbi wa nyumba za wazee sebleni mjini zanzibar.

Akizungumza kwa niaba ya makamu wa pili wa Rais wa Zanzibar Balozi Seif Ali Iddi, waziri wa nchi ofisi ya makamu wa pili wa Rais wa Zanzibar mheshimiwa Mohamed Aboud Mohamed alisema Balozi Seif bado anaendeleza tabia njema ya kuwashirikisha wananchi mbali mbali katika futari ya pamoja.

Waziri Aboud alisema kitendo cha kufutarisha ni maamrisho ya mwenyezi muungu aliyoawaagiza waumini wake wenye uwezo kuwasaidia waumini wenzao wenye maisha duni ili kuwaunganisha katika futari  hiyo ambayo ni matendo anayoyafurahia  allah subuhanahu wataala.

Mjumuiko wa kufutari kwa makundi ni utaratibu aliyojipangia Balozi Seif wakati anapopata wasaa wa kufanya hivyo katika muelekeo wa kuwashirikisha wana jamii kwenye mjumuiko huo wenye kuleta ushirikiano miongoni mwa wananchi mbali mbali nchini.

Powered by Live Score & Live Score App