Monthly Archives: May 2019

UMUHIMU WA KUHUDHURIA CLINIC MAPEMA WAKATI WA UJA UZITO.

Wakunga wa kienyeji na wahudumu wa afya wa kujitolea wametakiwa  kuwaelimisha  kina mama umuhimu wa kuhudhuria  clinic  mapema  mara tu baada ya kujigundua kuwa na uja uzito.

Akizungumza  katika mafunzo elekezi  juu ya umuhimu wa clinic kwa akina mama wajawazito kwa wakunga na wahudumu wa afya  wanaojitolea wa wilaya ya kusini katika   kituo cha walimu tc kitogani  diwani wa wadi ya makunduchi  Bi: Zawadi  Hamdu Vuai amesema  kufanya hivyo kutawasaidia kina mama  wajawazito  kuepukana  na matatizo mbali mbali yanayojitokeza hasa wakati wa kujifungua

Ujenzi wa vituo  vya utoaji wa huduma  hizo karibu na  maeneo ya wanachi  itasaidia kupunguza vifo vya mama na mtoto vitokanavyo na  uzazi.

Mraibu  wa huduma za afya ya mama na mtoto wilaya ya kusini   ndugu Safia  Khamis Juma  amesema  mafunzo hayo yametolewa  baada ya kugundua kina mama wengi kukosa muakmo  wa kuhudhuria clinic wanapokua waja wazito.

Nao wakunga  hao wamesema  licha ya juhudi wanazozichukua  za kuwafikisha kina mama wajawazito  hospitalini kwenda kujifungua  lakini wanakabiliwa na  matatizo mbali mbali ikiwemo kurudishwa  nyumbani kwa wajawazito hao wanapochelewa  kujifungua.

Wilaya ya kusini  ni miongoni mwa wilaya zilofanikiwa  kwa  kuhamasika  kujifungulia hospitali na kufikia asilimia  97  jambo ambalo limepelekea kupungua kwa idadi ya vifo  vitokanavyo na uzazi

CHAMA CHA WAFANYAKAZI WA RELI TANZANIA (TRAWU) KIMEKANUSHA TAARIFA ILIYORIPOTIWA

Chama cha wafanyakazi wa reli tanzania (TRAWU) kimekanusha taarifa iliyoripotiwa na moj ya gazatei la nchini kuwa chama hicho kimemdanganya Rais Dkt John Pombe magufuli kwa kumtangaza mtu asiyestahili kuwa mfanyakazi bora.

Akizungumza na waandishi wa habari jijini dar es salaam mwenyekiti wa chama cha wafanyakazi wa reli tanania (TRAWU) taifa lomitu ole saitabau amesema hakuna udanganyifu wowote uliofanyika katika kuwatangaza wafanyakazi bora wa mwaka 2019/2020 siku ya sherehe za mei mosi iliyofanyika katika uwanja wa sokoine mbeya.

Aidha lomitu amesema chama hicho hakihusiki kumchagua mfanyakazi bora bali wao wanaletewa majina kutoka kampuni ya reli tanzania (TCR) na mamlaka ya reli ya tanzania na zambia (TAZARA).

Kwa upande wake katibu mkuu wa chama hicho Nashoni Mariyeri amesema watakutana na chama cha wafanyakazi (tucta) kuangalia jinsi gani wanaweza kufanya ili kuondoa mkanganyiko huo mwakani.

Chama cha wafanyakazi wa reli wa reli tanzania (TRAWU) ni muunganiko wa wafanyakzi wa kampuni ya reli tanzania (TCR) na mamlaka ya reli ya tanzania na zambia (TAZARA).

WAANDISHI WA HABARI WAMETAKIWA KUZINGATIA MAADILI YA KAZI ZAO

Waziri wa elimu na mafunzo ya amali zanzibar Mhe Riziki Pembe Juma amewataka waandishi wa habari kuzingatia maadili ya kazi zao na kutumia kamusi la kiswahili katika uandishi wa habari, ili kuikuza lugha hiyo.

Akizungumza wakati akifunga kongamano la kimataifa la vyombo vya habari vya kiswahili lililoandaliwa na kigoda cha mwalimu nyerere katika chuo kikuu  cha dar es salaam, mhe riziki amesema ni vyema kutumia kamusi hiyo ili kupunguza makosa katiak uandishi ambayo yanajitokeza mara kwa mara.

Aidha amewataka wamiliki wa vyombo vya habari kutoa semina elekezi kwa waandishi wao ili kusaidia matumizi sahihi ya lugha hiyo katika vyombo vya habari.

Nae mgoda wa kigoda cha mwalimu nyerere na mhadhiri wa chuo kikuu cha Dar es salaam Profesa Aldin Mutembei amesema muundo wa baadhi ya lugha mbalimbali nchini za asili zikiwemo za kiengereza, kifaransa, kibantu wanazoingiza  wanapozungumza kiswahili ndizo zinazochangia kuharibu lugha fasaha ya kiswahili.

Nao baadhi ya washiriki wa kongamano hilo wakiwemo wanafunzi wamesema wamekuwa na mazingira magumu katika skuli zao kwa kutakiwa kuzungumza kiengereza ili kuweza kupata huduma katika ofisi za walimu.

KUFUATILIA KWA KINA DAWA ZINAZOWEZA KULETA ATHARI KWA WATUMIZI

Umefika  wakati  wa  kufuatilia  kwa  kina  dawa  zinazoweza  kuleta  athari  kwa  watumizi   ili  kulipatia   ufumbuzi  ikiwa  ni pamoja  na  kujuwa   sababu  za  madhara  yatokanayo  na  dawa  hizo.

Akizungumza  katika  kikao  cha  pamoja  juu  kuanda  muongozo  uaoendana  na  mazingira  ya  Zanzibar   kuhusiana  na  ufuatiliaji  wa  madhara  yatokanayo  na  dawa  chanjo  ,  vifaa tiba   na  dawa  za  asili  uongozi  wa  wakala  wa  chakula  na  dawa  Zanzibar   umesema   upo  katika  matayarisho  ya    kadi  ya  mgonjwa itakayomuorodheshea  dawa  zinazomuathiri  ili  kumrahishia  daktari  katika  kumpatia  tiba  sahihi.

Umesema hali  hiyo  itaenda sambamba  na  utolewaji  wa  elimu  katika  vituo  vya  afya  ili   kuweza  kupokea  taarifa  mbali  mbali  za  athari  zitokanazo  na  dawa  kutoka  kwa  wagonjwa  ili  ziweze  kufanyiwa  uchunguzi  na  zile  zenye  madhara  zaidi  ziweze  kuondolewa  sokoni.

Mratibu  msaidizi  kitengo  shirikishi  ukimwi  homa  ya  ini na  ukoma  ndugu Issa  Abeid  Mussa  amesema   mpango kazi  huo   utatowa  uwiano  sawa   uingizaji  dawa  kanda ya   afrika  mashariki   utaomuwezesha  kila  mhudumu  kufuatilia  muongozo  wa  dawa   kwa  mgonjwa  ili  zisiweze  kumpa  madhara pamoja  na  kuripotiwa  mapema  kwa  dawa  zisizomfaa.

Powered by Live Score & Live Score App