Monthly Archives: January 2020

WIZARA YA ARDHI IMEFANIKIWA KUPUNGUZA GHARAMA ZA USAMBAZAJI WA UMEME KWA WANANCHI

 

Wizara ya Ardhi Nyumba Maji na Nishati imesema imefanikiwa kupunguza gharama za usambazaji na kurahisisha upatikanaji wa huduma Nishati ya Umeme kwa Wananchi Mjini na Vijijini.

Hatua hiyo imeelezwa kufikiwa kupitia utekelezaji wa mradi wa miaka minne wa kusaidia upatikanaji wa nishati hiyo Zanzibar uliogharimu zaidi ya Shilingi Biloni 12 zilzotolewa na Serikali ya Sweeden.

Katibu Mkuu wa Wizara hiyo Mh. Ali Khalil Mirza akitoa taarifa ya utekelezaji wa mradi huo amesema pia umewajengea uwezo watendaji wanaosimamia na kutoa huduma ya nishati ya umeme pamoja na  kununua vifaa vya kisasa ikiwemo mita.

Akizungumza kikao cha tathimni ya mradi huo kulichohusisha Wizara ya Ardhi Nyumba Maji na Nishati na ujumbe kutoka Sweeden ameongeza pia imepitia Sera ya Nishati na kufanya tafiti za kuanzishwa Umeme wa kutumia Nishati mbadala Zanzibar na kupunguza utegemezi wa Nishati ya Umeme kutoka Tanzania Bara.

Balozi wa Sweeden Nchini TanzaniaNd. Anders Joberg aliongoza ujumbe huo amesema itaendelea kushirikiana na  Zanzibar katika kuimarisha upatikanaji wa uhakika wa Nishati ya Umeme kwa vile ndio msingi Mkuu wa kuharakisha maendeleo ya Uchumi wa Nchi.

Mkurugenzi wa Mamlaka ya Udhibiti wa Matumizi ya Nishati Zanzibar (ZURA) Nd. Haji Kali Haji amesema katika kuendeleza mikakati ya upatikanaji wa huduma bora ya Umeme Zanzibar wameanza ukaguzi wa Transoforma zilizowekwa katika maeneo mbalimbali na kutoa maelekezo kwa Shirika la Umeme Zanzibar ZECO wanapobaini kasoro.

ZEC IMESEMA KUWA ZOEZI LA UANDIKISHAJI TAARIFA ZA WAPIGA KURA LITAENDESHWA KWA TARATIBU ZA KISHERIA

Tume ya Uchaguzi ya Zanzibar ZEC imewahakikishia Wananchi kuwa zoezi la uandikishaji na uhakiki wa Taarifa za Wapiga Kura litaendeshwa kwa misingi na Taratibu za kisheria zilizopo ili kila mwenye sifa  atapata haki ya kuandikishwa katika Daftari la kudumu la Wapiga kura

Kauli hiyo imetolewa na Afisa Uchaguzi Tume ya Uchaguzi ya Zanzibar  Nd.Suleiman Hassan Haji  wakati akifungua Mkutano wa Wadau wa Uchaguzi Wilaya ya Kaskazini “a” uliofanyika katika Kituo cha Walimu Mkwajuni ambao umewashirikisha Viongozi wa Serikali,Viongozi wa Dini, Vyama vya Siasa, Jeshi la Polisi na Asasi za Kiraia

Amesema, zoezi la uandikishaji linamuhusu kila Mtu aliyetimiza sifa hivyo, ni wajibu wa kila Mwananchi kuzingatia maelekezo na Elimu inayotolewa na Tume kwa kuhamasisha na kushiriki katika zoezi hilo linalotarajiwa kuanza tarehe 9/2/2020 kwa Wilaya  hiyo na Shehia za Jimbo la Donge .

Wakitoa Muongozo na Utaratibu wa Uandikishaji wa Daftari Maafisa Uchaguzi wa Wilaya wamesema utaratibu  ulioandaliwa  na  Tume  unatoa  fursa  pana  kwa  Wananchi  kutumia  haki  yao ya  Kidemokrasia  na kuwataka  kujitokeza  kwa  Wingi  kujiandikisha.

Baadhi ya Washiriki wa Mafunzo hayo wameishauri Tume ya Uchaguzi ya Zanzibar kuendelea kushirikiana na Wakala wa Usajili wa matukio ya Kijamii ili kurahisisha upatikanaji wa Vitambulisho vipya vya Mzanzibar Mkaazi sambamba na kuzingatia ushiriki wa Watu wenye mahitaji maalum kwa  kuwandalia  mazingira Rafiki .

 

MH HAMAD RASHID AMEZITAKA TAASISI ZA DINI, KUSAIDIA KUIHAMASISHA JAMII UMUHIMU WA KULINDA AFYA.

Waziri wa Afya Mh .Hamad Rashid amezitaka Taasisi za  Dini, kusaidia kuihamasisha Jamii umuhimu wa kulinda Afya.

Amesema iwapo Viongozi hao watafikisha Ujumbe huo kwa kutumia mbinu mbalimbali hasa kwa Watoto juu kuosha mikono wanapomaliza shughuli zao kutawasaidia kuwa na tabia ya kujilinda na Afya.

Akifungua  mkutano wa Viongozi wa Dini mbalimbali wa Tanzania Mh.Rashid amesema Maradhi yanapoingia Nchini hayachaguwi Dini wala Siasa hivyo ni vyema Viongozi kushirikiana na watendaji wa Sekta ya Afya na mazingira ili kuhimiza usafi kwa jamii.

Mkurugenzi mtendaji wa Taasisi ya Tanzania Interfath Partneship Saud Msumi amesema  Taasisi hiyo inalenga kuwaunganisha viongozi wa Dini zote kushiriki katika masuala muhimu ya Kisiasa Kiuchumi na Kijamii.

Katibu wa Mfuti za Zanzibar Nd.Khalid Mfaume pamoja na Viongizi wa Dini walioshiriki mkutano huo wamesema Dini zote zimehimiza usafi wa aina zote hivyo Wananchi wanapaswa kushirkiana kusimamia hilo.

VIJANA NCHINI WAMESHAURIWA KUJITOA KUSAIDIA JAMII KWA HIARI KATIKA KUKABILIANA NA MAAFA

Vijana Nchini wameshauriwa kujitoa kusaidia Jamii kwa hiari katika kukabiliana na Maafa mbalimbali yanayotokea Nchini.

Mwenyekiti wa Vijana Chama cha Msalaba Mwekundu Red Cross Tanzania  Nd.Rahim Khamis  Kalyango amesema suala hilo litawajenga kuwa wazalendo wenye kuthamini haki za Watu wote.

Akizungumza na Mabaraza ya Vijana ya Mkoa wa Mjini Magharibi amesema  amewaomba kujiunga na Taasisi hiyo ili kupata fursa hizo za kujitolea kwa Jamii pale inapokutwa na

Mwenyekiti wa Baraza la Vijana Zanzibar  Nd. Khamis Rashid  Kheir amewaomba Vijana kutuma fursa zinazotolewa na wadau mbalimbali ili kuendeleza kielimu na kujiinua kiuchumi.

error: Content is protected !!