Recent Posts by asha

WAKUTUBI, WATUNZA NYARAKA NA MAKUMBUSHO ZANZIBAR WAMETAKIWA KUWA NA MASHIRIKIANO

Jumuiya ya wakutubi, watunza nyaraka na makumbusho Zanzibar wametakiwa kutoa ushirikiano katika majukumu yao ya kazi kwa ajili kuondosha matatizo yanayoikibili jumuiya hiyo ili kufikia malengo ya kuitangaza kitaifa na kimataifa.

Mwenyekiti mpya wa jumuiya hiyo Nd Khamis Hamad Mwitumbe ameeleza hayo katika uchaguzi wa jumuiya hiyo amesema endapo kutakuwa na ushirikiano na wanajumuiya pamoja na viongozi wataweza kufanya kazi kwa ufanisi.

Mjumbe wa jumuiya hiyo Bi Ashura Shaibu Mussa amewataka viongozi waliochaguliwa kuendelea kutoa mafunzo kwa wanachama pamoja na kuimarisha maadili ya kazi za tasnia hiyo.

Mwenyekiti watume ya uchaguzi huo Nd Kassim Salum Abdi amewataka viongozi waliochaguliwa kutekeleza yale yanayotakiwa katika jumuiya hiyo ili kufikia malengo yaliokusudia.

 

 

KMKM YAKAMATA BOTI MBILI ZIKIVUA UVUVI HARAMU

Kikosi cha kmkm kimekamata boti mbili zikivua uvuvi haramu za macho madogo katika bandari bubu ya fukuchani.

Boti hizo zimekamatwa majira ya saa nne za asubuhi zikiwa katika harakati za uvuvi huo.

Akizungumza na wavuvi hao mwanansheria kutoka idara ya maendeleo ya uvuvi zanzibar Nd Mwinyi Mataka Mwinyi amesema sheria ya uvuvi ya mwaka 2010 inakataza uvuvi haramu, hivyo vitendo vya baadhi ya wavuvi kuendelea na uvuvi wa aina hiyo ni kupingana na shehia hivyo amewakata wavuvi hao kufuata sheria za uvuvi ili kuepukana na matatizo yanayoweza kujitokeza.

Mkuu wa wilaya ya kaskazini A Nd Hassan Ali Kombo amewakata wavuvi hao kubadilika na kutafuta vifaa vya uvuvi vinavokubalika ili kuweza kupata tija katika sekta hiyo.

Nao wavuvi hao wamesema wamefanya hivyo kutokana na hali ngumu ya maisha hivyo wamemtaka mkuu wa wilaya hiyo kuwasamehe.

SEKTA BINAFSI ZINAMCHANGO MKUBWA KATIKA KUISAIDIA SERIKALI KUTOA HUDUMA TOFAUTI

Waziri wa afya Hamad Rashid Mohammed amesema sekta binafsi zinamchango mkubwa katika kuisaidia serikali kutoa huduma tofauti ikiwemo huduma ya afya .

Kauli hiyo ameitoa wakati akifungua hospital ya urban pamoja na kuzindua bonaza la uchangiaji damu na kueleza kuwa hospitali hiyo itasaidia kutoa huduma za afya kwa wakaazi wa maeneo hayo na jirani pamoja na wageni wanaofika nchini.

Akizungumzia kuhusu huduma ya uchangiaji wa damu kwa hiyari Mh: Hamad amesema ni vyema wananchi kuchangia damu na kuweza kuwa na akiba ya kutosha ili kuepukana na usumbufu katika mwezi mtukufu wa ramadhani.

Kwa upande wake mkurugenzi wa urban hospital Dk. Jane amesema watendelea jitihada ya kunga mkono serikali ya Zanzibar hasa katika sekta ya afya ili iweze kuimarika pamoja na kuwahamasisha wageni na wenyeji kuchangia damu.

Nae msaidizi meneja wa benk ya damu salama Zanzibar Magarawa amesema lengo ni kupata chupa 2000 kwa kipindi cha mwezi mtukufu wa radhamani ambayo itawasaidia kuwahudumikia wananchi ambao wanahitaji huduma hiyo.

Wakati huo huo waziri Hamad amepokea cheki ya millioni tatu kutoka shirika la bima la taifa tanzazni kwa ajili ya bonaza la kuchangia damu.

JAMII IMETAKIWA KUEPUKA KUTUMIA FEDHA TASLIMU WAKATI WA KUFANYA MIAMALA

Jamii imetakiwa kuepuka kutumia fedha taslimu wakati wa kufanya miamala , bali imeshauriwa  kutumia njia za kielektroniki ili kudhibiti uharibifu wa sarafu na noti.

Mkuu wa wilaya ya chake chake Rashid Hadid Rashid ametoa ushauri huo wakati akifungua mkutano wa utambuzi wa fedha halali na haramu , kwa masheha, madiwani wa wilaya hiyo,  pamoja na vikosi vya ulinzi na usalama.

Amesema ni jukumu la viongozi kusimamia ili kuona sarafu haitumiwi kinyume na utaratibu.

Afisa idara ya sarafu benki kuu , Restituta Magnus ameitaka jamii kuzitunza fedha ili kuisadia serikali kutochapisha pesa mara kwa mara, huku Mkurugenzi mwandamizi wa benki kuu Fidells Mkatte amesema uwepo wa fedha nyingi kuliko mahitaji ya uchumi unasababisha mfumko wa bei.

Kamanda wa polisi mkoa wa kusini pemba kamishna msaidizi mwandamizi Hassan Nassir Ali amesema wanalojukumu la kukataza matumizi haramu ya fedha ambapo Iliyasa Ahmad akishauri benki kuu kuandaa utaratibu kuwadhibiti wananchi wanaotembea na fedha nyingi ndani ya nchi.

Recent Comments by asha

No comments by asha yet.

Powered by Live Score & Live Score App