Category Archives: Biashara

habari za biashara

SERIKALI YA MAPINDUZI YA ZANZIBAR IMEANDAA MIKAKATI YA KUWAFUNDISHA WAKULIMA WA ZAO LA MWANI

Serikali ya Mapinduzi ya Zanzibar imeandaa mikakati maalumu ya kuwafundisha Wakulima wa zao la Mwani kutumia mbegu mpya ili kuongeza mapato na uhakika wa soko.

Waziri wa Biashara na Viwanda Balozi Amina Salum Ali amesema hatua hiyo itasaidia kuondokana na ukulima wa zamani uliokuwa hauna maslahi kwao.

Akifungua mkutano wa siku moja  wa tasisi inayoshughulikia utafiti na sera repoa Balozi Amina amefahamisha kuwa mbegu hiyo mpya ya Mwani awamu ya kwanza ya majaribio inatarajiwa kuvunwa  mwezi ujao.

Mkurugenzi mtendaji wa taasisi inayoshughulikia mambo ya utafiti na sera repoa Dr.Donald Mmari amesema lengo la mkutano huo ni kujadili uzalishaji wa bidhaa bora pamoja na kuuzika ndani ya soko na nje.

ZAN FAST FERRIS INATARAJIA KUZINDUA BOTI YAKE MPYA YA ZANZIBAR ONE KWA SAFARI YA DAR ES SAALAM

Kampuni ya Zan Fast Ferris inatarajia kuzindua Boti yake mpya iendayo kwa kasi  ya Zanzibar One kwa kufanya safari jijini Dar  es saalam  siku ya Jumamosi.

Makamo Mwenyekiti wa Kampuni hiyo Salum Turukey  amewaambia Waandishi  wa Habari kuwa Boti hiyo iliyojengwa na Kampuni ya Uholazi yenye tawi lake Nchini China imewasili Zanzibar hivi karibuni ambapo itakuwa na uwezo wa kubeba Abiria mia tano.

Amesema Boti hiyo ya kisasa inauwezo wa kuhimili kuchafuka kwa Bahari na imegharimu shilingi bilioni ishirini na mmoja  .

Amefahamisha kwamba ujenzi wa Boti hiyo ya kisasa umezingatia mahitaji ya Watu maalum ambapo watakuwa na vyoo vyao pamoja na njia zao za  kupita.

Ameongeza kuwa Boti nyingine ya Kampuni hiyo inatarajiwa kuwasili Nchi Mwezi Machi Mwaka huu ambapo itakuwa ikfanya safari kati ya Unguja na Pemba.

WAWEKEZAJI KATIKA SEKTA YA UTALII WATAKIWA KUZINGATIA SHERIA, KANUNI, NA MIONGOZO YA UWEKEZAJI

Wawekezaji katika sekta ya utalii wamesisitizwa kuzingatia sheria, kanuni, na miongozo ya uwekezaji kwani ndio dira ya utekelezaji wa miradi yao.

Akizungumza  katika ziara ya kuwasilisha waraka wa sheria kwa wamiliki wa hoteli mbalimbali katika mkoa wa kaskazini unguja mkurugenzi rasilimali watu wa ZIPA Vuai Yahya amesema kuwa  ziara hiyo ni agizo hilo la serekali linatokana na  baadhi ya wawekezaji wengi kwenda kinyume na makubaliano na sheria za nchi na uwekezaji.

Wawekezaji waliopokea waraka huo wameahidi kufuata sheria hizo ipasavyo, ambapo hoteli tisa zimefikishiwa waraka huo katika mkoa wa kaskazini unguja.

Ziara hiyo imejumuisha maafisa wa idara mbali mbali za serikali ikiwemo polisi, TRA, ZBR, kamisheni ya ardhi, uhamiaji, idara ya kazi na kamisheni ya utalii

UJASIRIAMALI NDIO NJIA MBADALA YA KUONDOSHA TATIZO LA AJIRA LINALOWAKABILIA WANANCHI HASA VIJANA

Afisa mdhamini wizara ya kazi uwezeshaji wazee wanawake na watoto Khatibu Vuai Shein amesema sekta ya ujasiriamali ndio njia mbadala ya kuondosha tatizo la ajira linalowakabilia wananchi hasa vijana

Mdhamini Hakimu Vuai Shein amesema hayo Wizarani kwake Gombani wakati akifungua mafunzo ya kuwajengea uwezo maafisa watakaotowa huduma kwa wajasiriamali katika vituo vya wilaya, yanayowashirikisha maafisa ushirika, vijana, ustawi wa wilaya pamoja na wajasiriamali.

Amesema serikali imeweka fursa na mipango bora ya kuwawezesha wananchi kujiajiri katika sekta ya ujasiriamali kwenye nyanja tofauti kwa kutoa mikopo yenye masharti nafuu ili kuondosha tatizo la mitaji.

Aidha Mdhamini shein ameitumia fursa hiyo, kuwataka washiriki hao kuzitumia nafasi walizonazo kupiga vita vitendo ya ukatili na udhalilishaji wa kijinsia kwa wanawake na watoto ambalo linaathiri jamii na taifa.

Akielezea lengo la mafunzo hayo Kaimu Mratibu Idara ya Uwezeshaji Wananchi Kiuchumi Amini Omar Ali amesema ni kujenga uwezo kwa washiriki hao ili watowe huduma bora kwa jamii, kwani ina mahitaji makubwa ya ajira.

Jumla ya mada tatu zimewasilishwa katika mafunzo hayo na washiriki kubainisha fursa zinazopatika katika uzalishaji

error: Content is protected !!