Category Archives: Kitaifa

Habari za ndani ya nchi

HAKUNA ATHARI ILIYOTOKEA KATIKA SUALA LA UTAFITI WA UTAFUTAJI WA MAFUTA NA GESI ASILIA

Mkurugenzi mamlaka ya mazingira nd.Sheha Mjaja amesema hadi sasa hakuna athari yoyote ya kimazingira iliyotokea katika suala la utafiti wa utafutaji wa mafuta na gesi asilia.

Akizungumza na waandishi wa habari nd.Mjaja amesema mafanikio hayo yamefikiwa kutokana na ushirikiano mzuri kati ya idara hiyo na kampuni inayosimamia suala la utafiti wa uchimbaji wa nishati hizo ikiwemo kuzingatiwa zaidi kwa hifadhi za misitu.

Kwa upande wao meneja wa rac gas nd.Damascene makatu na mtendaji mkuu wa rac gas kutoka ras al khaimah,bw.Nishant Dighe,wamesema mchakato wa utafiti wa mafuta na gesizanzibar kwa hatua ya kwanza umekamilika na kinachofanyika ni kutafsiri takwimu kazi ambayo itakamilika septemba mwaka huu.

Waziri wa ardhi,nyumba,maji na nishati Mh.Salama Aboud Talib,amesema suala la utafiti wa upatikanaji wa mafuta na gas ni jambo la muda mrefu hivyo  wananchi ni vyema  kuwa wastahmilivu katika jambo hilo.

JAMII YAPASWA KUSHIRIKIANA KATIKA KUWASAIDIA WATOTO MAYATIMA

Mkurugenzi wa mfuko wa hifadhi ya  jamii zanzibar zssf nd. Sabra Issa Machano amesema jamii yapaswa kushirikiana  katika kuwasaidia watoto mayatima ili waweze kuishi  kwa furaha na upendo kama watoto wengine

Kauli hiyo ameisema  katika ukumbi wa  viwanja vya kufurahishia watoto kariakoo  wakati akikabidhi  msaada  wa pesa kwa ajili ya watoto mayatima

Aidha  amesema mfuko wa hifadhi ya jamii zssf  inatambua umuhimu wa kuwalea na kuwatunza watoto mayatima . Hivyo  suala la kuwasaidia  watoto mayatima si jambo la hiari bali ni jambo liloamrishwa na mwenyezi mungu  kwa kutegemea malipo siku ya kiama

WAUMINI WAMEOMBWA KUJITOLEA MALI ZAO KATIKA KUZIIMARISHA NYUMBA ZA IBADA

Wakati mwezi mtukufu wa ramadhani ukiwa katika kumi la mwisho, waumini wameombwa kujitolea mali zao katika kuziimarisha nyumba za ibada ambazo ni misikiti kwani fadhila zake ni kubwa kwa mwenyezi mungu.

Hayo yamebainika wakati waumini mbali mbali wakiungana pamoja na wafanyakazi wa shirika la utangazaji zanzibar katika ufunguzi wa msikiti uliojengwa katika kituo hicho kilichopo karume house.

UMUHIMU WA KUHUDHURIA CLINIC MAPEMA WAKATI WA UJA UZITO.

Wakunga wa kienyeji na wahudumu wa afya wa kujitolea wametakiwa  kuwaelimisha  kina mama umuhimu wa kuhudhuria  clinic  mapema  mara tu baada ya kujigundua kuwa na uja uzito.

Akizungumza  katika mafunzo elekezi  juu ya umuhimu wa clinic kwa akina mama wajawazito kwa wakunga na wahudumu wa afya  wanaojitolea wa wilaya ya kusini katika   kituo cha walimu tc kitogani  diwani wa wadi ya makunduchi  Bi: Zawadi  Hamdu Vuai amesema  kufanya hivyo kutawasaidia kina mama  wajawazito  kuepukana  na matatizo mbali mbali yanayojitokeza hasa wakati wa kujifungua

Ujenzi wa vituo  vya utoaji wa huduma  hizo karibu na  maeneo ya wanachi  itasaidia kupunguza vifo vya mama na mtoto vitokanavyo na  uzazi.

Mraibu  wa huduma za afya ya mama na mtoto wilaya ya kusini   ndugu Safia  Khamis Juma  amesema  mafunzo hayo yametolewa  baada ya kugundua kina mama wengi kukosa muakmo  wa kuhudhuria clinic wanapokua waja wazito.

Nao wakunga  hao wamesema  licha ya juhudi wanazozichukua  za kuwafikisha kina mama wajawazito  hospitalini kwenda kujifungua  lakini wanakabiliwa na  matatizo mbali mbali ikiwemo kurudishwa  nyumbani kwa wajawazito hao wanapochelewa  kujifungua.

Wilaya ya kusini  ni miongoni mwa wilaya zilofanikiwa  kwa  kuhamasika  kujifungulia hospitali na kufikia asilimia  97  jambo ambalo limepelekea kupungua kwa idadi ya vifo  vitokanavyo na uzazi

Powered by Live Score & Live Score App