Category Archives: Kitaifa

Habari za ndani ya nchi

DKT JOHN POMBE MAGUFULI AMEIPONGEZA MISRI KWA KUENDELEA KUWA KICHOCHEO CHA MAENDELEO YA KIUCHUMI

Rais wa jamhuri ya muungano wa tanzania Mhe Dkt John Pombe Magufuli  ameipongeza misri kwa kuendelea kuwa kichocheo cha maendeleo ya kiuchumi kwa nchi za kiafrika.

Ikulu jijini dar-es-salaam rais magufuli ameyasema hayo baada ya kushuhudia utiaji saini mkataba wa ujenzi wa mradi wa kuzalisha umeme wa maporomoko katika mto rufiji, mkataba uliohusisha kampuni ya ukandarasi ya arab contractor ya nchini misri na shirika la umeme tanesco na kushuhudia pia na waziri mkuu wa misri mhe dkt mostafa madbouly.

Amesema nchi ya misri itakumbukwa kwa mchango wake wa dhati kwani kutokana na uhusiano wake na tanzania ulioasisiwa na rais wa kwanza wa tanzania hayati mwalimu julius nyerere na rais wa kwanza wa misri gamal abel nasa ulikuwa ni chachu ya kuanzisha umoja wa nchi huru za kiafrika na harakati za ukombozi.

Rais magufuli akawataka watanzania kuunga mkono mradi huo  ambao hadi kukamilika kwake utagharimu shilingi za kitanzania trilioni 6.558 kwani utachangia mabadiliko ya kiuchumi kutokana nakushuka kwa bei ya umeme na hivyo kuleta tija kwa uzalishaji wa kiviwanda na kumudu ushindani wa kimasoko.

Naye waziri mkuu wa jamhuri ya kiarabu ya misri mhe mostafa madbouly amesema  katika kuendeleza uhusiano wa misri na tanzania  tayari makampni kadhaa ya nchini misri yameitikia mwito wa kufanya shughuli zao nchini tanzania.

Waziri wa madini mhe dkt medadi kalimani amesema kukamilika kwa mradi huo kutaifanya tanzania kufikia azima yake ya kuwa nchi ya viwanda na ya uchumi wa kati, na bwawa la mradi huo ni miongoni mwa mabwawa 70  dunia ambapo kwa ukubwa linashika nafasi ya sitini kidunia, na ni la nne kwa afrika huku likisha nafasi ya kwanza kwa afrika ya mashariki.

Naye waziri wa nishati wa misri mohamed shapa amesema kukamilika kwa mradi huo kutaiwezesha tanzania kuingia katika mapinduzi ya viwanda.

TUMETAKIWA KUDUMISHA USAFI KATIKA SHEHIA ZETU ILI KUJIKINGA NA MADHARA MBALI MBALI

Mabaraza  ya vijana wilaya Magharibi “B” yametakiwa kudumisha usafi katika shehia zao ili kujikinga na  madhara mbali mbali yanayoweza kujitokeza.

Hayo yameelezwa na mstahiki meya manispaa Magharibi “B” ndugu maabadi ali maulid wakati alipokuwa akikabidhi vifaa vya usafi kwa baraza la vijana shehia ya mbweni wilaya yaMagharibi “B”’ amesema baraza la manispaa magharibi ‘b” linaungana na sera ya serikali ya kuwajali vijana ya kuwasaidia kupitia ngazi mbali mbali ikiwemo kwenye shughuli za usafi hivyo amewataka vijana hao kukitunza  vifaa walivyopatiwa ili lengo la kuweka mji safi liweze kufikiwa.

Afisa mipango manispaaMagharibi “B” ndugu saumu daniel yussuf amewaomba vijana kuvitunza na kuvitumia ipasavyo  vifaa hivyo  huku na kuahidi kshirikiana nao katika shuguli mbali mbali ili kuleta maendeleo katika maeneo ya manispaa hiyo

Akizungumza  baada ya makabidhiano  hayo ya vifaa hivyo mwenyekiti baraza la   vijana shehia ya mbweni  ndugu  othman haidar wameushukuru uongozi wa baraza la manispaa kwa msaada huo kwani vitaweza kuwasidia katika shughuli zao katika shehia yao

Vifaa vilivyotolewa ni pamoja na  mabero, mapauro, viatu na vifaa vyenginevyo kwa lengo la kusaidia mabaraza katika shehia mbali  mbali hasa katika shughuli za usafi.

WATUMISHI WA TAASISI ZA UMMA NCHINI KUWA TAYARI KATIKA KUYARIPOTI MATENDO YOTE MAOVU

Makamu wa Pili wa Rais wa Zanzibar Balozi Seif Ali Iddi amewataka  Wananchi pamoja  na watumishi wa taasisi za umma nchini kuwa tayari katika kuyaripoti matendo yote maovu yanayoonekana kwenda kinyume na Maadili ya Taifa.

Amesema wapo baadhi ya Watu wachache wamekuwa wakirejesha nyuma jitihada zinazoendelea kuchukuliwa na Serikali katika mapambano dhidi ya Rushwa, jambo ambalo linapaswa kushughulikiwa kwa mujibu wa Sheria  na kanuni za Nchi

Akizungumza na Wananchi katika Maadhimisho ya Siku ya Maadili na Haki za Binaadamu katika Kiwanja cha Michezo Gombani Chake Chake Pemba Balozi Seif amesema tatizo la Rushwa katika Jamii na mgongano wa Kimaslahi yanaendelea kuathiri Nchi nyingi Duniani ikiwemo Tanzania.

Balozi Seif alisema  vitendo hivyo hudhoofisha upatikanaji wa Haki za Binaadamu kwa kiwango kikubwa na kurejesha nyuma jitihada za kuimarisha misingi ya Haki na Utawala Bora.

Balozi Seif amesema kupitia   ripoti iliyotolewa Mwaka  2017 inayoangazia mapambano dhidi ya Rushwa inaonyesha Tanzania kuwa ni Nchi ya Pili ndani ya Ukanda wa Afrika Mashariki ikitanguliwa na jirani yake Rwanda katika mapambano dhidi ya Rushwa.

Huku kwa upande wa  Kimataifa Tanzania inashikilia nafasi  ya 103 kutoka nafasi ya 116  dhidi  ya vitendo hivyo ambapo aliwanasihi  Wananchi kushirikiana  na Serikali katika mapambano dhidi ya rushwa  ili kujiwekea nafasi ya kufanya vizuri katika ripoti itakayotolewa .

Pia  balozi seif  aliwanasihi wasimamizi wa Tenda kuwa makini katika kusimamia haki na Uadilifu kwa wanaoomba sambamba na kuepuka kuitia hasara Serikali .

Akisoma Risala Mwenyekiti wa Tume ya Maadili ya Viongozi wa Umma Nd. Assaa Rashid amesema misingi ya Utawala Bora itaimarika zaidi iwapo Jamii itajikita katika kuziba Mianya ya Rushwa na kuongeza Uwajibikaji.

Akimkaribisha Mgeni rasmi kwenye kilele cha Maadhimisho hayo ya Siku ya Maadili na Haki za Bianaadamu Waziri wa Nchi Ofisi yua Rais, Katiba, Sheria ,Utumishi wa Umma na Utawala Bora Mh. Haroun Ali Suleiman aliwaomba Watendaji wanaosiamamia Suala la Maadili kuwa na Lugha nzuri katika kuuhudumia Umma.

Mapema Makamu wa Pili wa Rais wa Zanzibar Balozi Seif aliyapokea Maandamano ya Taasisi mbali mbali zinazosimamia Maadili na Haki za binaadamu  pamoja na Wananchi katika kuadhimisha sherehe hizo.

Ujumbe wa Mwaka huu wa Siku ya Maadili na Haki za Binadamu unasema “ Tuimarishe Uadilifu, Uwajibikaji, Haki za Binadamu na Mapambano dhidi ya Rushwa kwa Maendeleo ya Taifa.

 

BARAZA LA MJI CHAKE KUFUATILIA KIWANGO CHA FEDHA KINACHOTOLEWA KATIKA KWARE

Naibu Waziri wa Nchi Ofisi ya Rais Tawala za Mikoa Serikali za Mitaa na Idara Maalumu za SMZ Mh. Shamata Shaame Khamis ameliagiza baraza la mji chake chake kufuatilia kiwango cha fedha kinachotolewa katika kware ya Vitongoji ili kujua kuwa  kinakwenda na uhalisia na wananchi wanafaidika vipi katika eneo hayo.

Amesema serikali imeweka mashine za kukusanyia fedha kwa lengo la kudhibiti mapato yasipotee, kwani ndizo zinazotumika  katika utekelezaji wa miradi mbali mbali ya maendeleo kwa wananchi.

Mh. Shamata ametowa agizo hili baada ya kukagua kware ya uchimbaji wa kifusi Vitongoji na kupata maelezo kutoka kwa muwekezaji wa eneo hilo na uongozi wa wilaya na kusisitiza haja ya kuvitafuta vyanzo vipya ili kuongeza kiwango cha ukusanyaji.

Kwa upande wake Mkuu wa Wilaya ya Chake Chake Nd. Rashid Hadid Rashid amesema wataendelea kusimamia eneo la kwareni ili kuhakikisha baada ya kuchimbwa linafukiwa ili eneo liweze kutumika katika shughuli za uzalishaji.

Kwa upande wake Nd. Khamis ambae amekodi eneo hilo amelalamika ubovu wa barabara kuwa ni usumbufu kwa madereva wanaokwenda kufuata huduma hiyo.

error: Content is protected !!