Category Archives: Michezo na Burudani

WASANII NCHINI WAMETAKIWA KUSAJILI VIKUNDI VYAO ILI KUFAIDIKA NA FURSA ZITAKOZOJITOKEZA

Baraza la Sanaa,Sensa ya Filamu na Utamduni Zanzibar limewataka Wasanii mbalimbali Nchini kusajili vikundi vyao ili kufaidika na fursa zitakazojitokeza ndani na nje ya nchi katika kukuza kazi zao.

Akizungumza na wasanii wa Wilaya ya Kati katika mafunzo kwa wasanii hao katibu mtendaji wa Baraza la Sanaa, Sensa ya Filamu  na Utamaduni Zanzibar Dk Omar Abdallah Adam amesema ili msanii au kikundi cha wasanii kufikia mafanikio anawajibu wa kujisajili katika taasisi husika kwa ajili ya kunufaika na fursa zinazojitokeza kwa wasanii hao.

Amesema miongoni mwa fursa ambazo msanii anaweza kuzipata baada ya kujisajili  ni kushiriki katika matamasha mbali mbali ya ndani na nje, kukuza kipato cha wasanii na kuweza kupatiwa elimu kwa mujibu wa mabadiliko yaTekenolojia Duniani.

Nao baadhi ya washiriki wa mafunzo wameelezea kufurahishwa na mafunzo waliopatiwa kwani yatawajengea uwezo wa kujiamini wakati wa uwasilishaji wa kazi zao  kwa jamii

MICHUANO YA KLABU BINGWA AFRIKA MASHARIKI MPIRA WA PETE IMEZINDULIWA KATIKA KIWANJA CHA GMKANA.

Michuano ya klabu bingwa Afrika mashariki mpira wa pete imezinduliwa katika kiwanja cha gmkana.

Katika uzinduzi huo umepingwa mchezo kati ya KVZ Zanzibar dhidi ya klabu kutoka Uganda Akiyafunguwa mashindano hayo katibu Mkuu wizara ya vjiana sana,utamaduni na michezo Omar Hassan King amewata wanamichezo kutumia mashindano hayo kujenga umoja na mashirikiano ya kimichezo na sio kujenga uhasama na uadui.

Amesema mashirikiano nchi hizi zinashirikiana katika kila nyanja hasa katika michezo amewataka kukubaliana na matokeo yoyote yanayotokea kiwanjani pamoja na kuyafanya mashindano hayo kuwa na hamasa za kipekee.

Makocha wa timu hizo wamesema ipo haja chama vya mchezo huo kubuni mbinu za kuweza kuunyanyuwa mchezo huo kwa wachezaji.

Katibu wa chama cha mpira wa pete Zanzibar Saidi Ali Mansab amesema kutokuwa na wafadhili wa mchezo huo imebidi chama chao kiitegemee ufadhili wa serikali sehemu kubwa ya mashindano hayo.

TIMU YA CAVALIYA NA ZAN KWEREKWE WACHUANA KIWANJA CHA MAISARA

Ligi ya vijana mchezo wa kikapu imeendelea katika kiwanja cha maisara kwa kuwakutanisha timu ya cavaliya dhidi ta zan kwerekwe , mchezo ambao umemalizika kwa timu ya cavaliya kwa kushinga vikapu 80 dhidi ya 55.

Zan kwerekwe waliovalia jezi rangi ya ndimu walionekana kuzidiwa toka kota ya mwanzo ya mchezo.

Mara baada ya mchezo kumalizika makocha wa timu zote mbili walizungumza na zbc michezo kuhusina na mchezo huo.

Powered by Live Score & Live Score App